群馬縣心臟地帶，有座低調卻魅力爆棚嘅城市——前橋。

由東京出發只需個半鐘，呢度山水環抱四季分明，既有傳統歷史韻味，亦煥發住現代藝術嘅新潮氣息。

近年嚟，前橋藝術街區猶如璀璨新星，喺城市巷弄間悄然崛起。走入呢片被創意同靈感浸潤嘅空間，你會發現呢度唔止有獨特畫廊、手作工坊，仲有充滿生活感嘅Café同文青小店。
一齊漫步探索群馬另一面啦！

 

點樣去前橋？
群馬縣前橋市正默默蛻變成藝術創意之城。依水而建、綠意環抱嘅城市中，近年湧現多個矚目藝術地標。由東京搭新幹線同JR線，最快唔使1.5鐘就到前橋站，即刻開啟自然與藝術交織嘅靈感之旅！

 

01｜ARTS前橋：可以「散步」嘅美術館
地址：群馬縣前橋市千代田町5-1-16
交通：前橋站北口行約10分鐘
網址：artsmaebashi.jp/

講到前橋藝術地標，一定要提「ARTS前橋」！美術館前身係老百貨公司，而家外牆披上辨識度極高嘅沖孔金屬板，充滿摩登感。內部空間設計成「散步道」概念，地下一層多個展廳串聯，營造出步移景異嘅流動感。館內主打現代藝術，同時積極舉辦本地創作展、親子工作坊，讓藝術真正融入日常生活節奏。

 

02｜前橋Galleria：前橋嘅「藝術之樹」
地址：群馬縣前橋市千代田町5-9-1
交通：前橋站搭巴士到「坂下」站落車行3分鐘
網址：www.towndevelop.jp/

由「ARTS前橋」行3分鐘就到呢座2023年開幕嘅文化複合設施「前橋Galleria」，由建築師平田晃久以「一棵樹」為靈感設計，立方體結構交錯堆疊，成座建築好似向天空生長緊！入面集合日本頂尖畫廊、高級法餐廳同個性住宅，仲有TAKA ISHII Gallery等四家畫廊進駐。2至4樓住宅部分已開放做民宿，等你可以真正「住進藝術空間」！

 

03｜太陽之鐘：岡本太郎夢幻之作
地址：群馬縣前橋市千代田町
交通：前橋站搭巴士3分鐘到「城東町二丁目」站落車行2分鐘
網址：www.maebashi-cvb.com/spot/8225

沿住綠意盎然嘅廣瀨川散步道前行，會見到岡本太郎1966年創作嘅《太陽之鐘》。呢件高2.4米嘅巨鐘曾經喺靜岡縣展出，後來因樂園關閉而被塵封近二十年，直到2018年先移至前橋重生！安裝場地由2025大阪世博「環形大屋頂」設計師藤本壯介操刀，讓呢件「復活藝術」煥發時代氣息。

 

04｜前橋東照宮：400年神社×意式午餐
地址：群馬縣前橋市大手町3-13-19
交通：前橋站搭巴士到「臨江閣前」站落車行1分鐘
網址：www.toshogu.net/maebashi/

已有400年歷史嘅前橋東照宮，2021年10月落成嘅新社殿以大胆結構設計融入舊建材，靜靜守護住世紀記憶。行到攰，可以走入神社境內嘅「Ravigote in 大手町咖啡」，歎份意式午餐配濃香咖啡，喺綠意同靜謐中放慢腳步，為藝術之旅注入一段柔軟悠長嘅午後時光。

 

05｜白井屋酒店：住進藝術之中
地址：群馬縣前橋市本町2-2-15
交通：前橋站搭巴士到「本町」站落車行1分鐘
網址：www.shiroiya.com/

呢間有300年歷史嘅老牌旅館，2020年由世界知名建築師藤本壯介改造重生，成為前橋藝術風潮重要起點。酒店分為Heritage Tower同Green Tower兩部分，共28間客房，其中4間概念房由藤本壯介等四位國際級設計師操刀，每間都係獨一無二藝術空間！今年更新增住宅型客房，由minä perhonen主理設計，用品牌經典布藝同藝術品點綴，為住宿增添柔和詩意。

 

06｜JINS PARK：起源於前橋的眼鏡「樂園」
地址：群馬縣前橋市川原町1-21-9
交通：前橋站搭巴士25分鐘到「市杵島神社入口」站落車行1分鐘
網址：store-jp.jins.com/b/jins/info/20005/

知名眼鏡品牌JINS嘅發祥地就係前橋！喺利根川同敷島公園之間，你會發現JINS開咗個似生活公園嘅概念空間「JINS PARK」。由建築師永山祐子設計，2021年完工後將購物與日常融合，入面有眼鏡店同烘焙Café，中央大階梯係標誌性設計。走上二樓可以透過落地玻璃望公園綠意，天台仲有開放式露台，令人想坐低唔走！
 

 

前橋，係一座令人不自覺放慢腳步嘅城市。
街角暗藏驚喜，老建築悄悄孕育新靈感。喺綠意流淌嘅街道漫步，藝術、設計同日常生活自在交織。如果你都想發掘與眾不同嘅日本，就把前橋放入你嘅下一站清單吧！

 

💡 小編貼士：

睇完行程推介係咪心思思想飛？記得網絡都要「跟得上」！Cool Data SIM幫你延續旅行爽度！

5G無限流量即插即用✅ 落機秒速連線✅仲有24小時WhatsApp客服做你「電子盲公竹」！

🔥 官網限時輸入「TRAVEL」即享95折！香港機場櫃檯即取即行，聽日飛都趕得切～
👉🏻 立即預定：www.cooldatasim.com
📞 WhatsApp： +852 5432 3231

（*優惠手快有手慢冇，買SIM卡當買多份安心啦！）