秋夜煙花，綻放出同夏天截然不同嘅風情。10月嘅日本，大地同夜空之間，將會接連上演幾場令人期待嘅花火盛典：有啲同音樂共舞，節奏同光影同步；有啲倒映水面，如夢似幻；更有挑戰紀錄、震撼人心之作。

今晚，就等我一齊走入金秋花火世界，邂逅只屬於秋日嘅浪漫瞬間！

 

01｜茨城縣：rockin'star Carnival
日期：2025年10月4日 18:00~19:15
地點：國營常陸海濱公園
交通：JR勝田站搭直通穿梭巴士
規模：約20,000發
網址：rockinstarcarnival.jp/

一場音樂×煙花狂歡即將喺茨城上演！最令人期待嘅係，ROCK IN JAPAN FES.同JAPAN JAM人氣DJ會帶嚟J-POP/J-ROCK名曲，同2萬發煙花完美同步表演！旋律一響，煙花就跟住節拍喺夜空綻放，再加舞台前特效同激光，簡直似成個音樂節搬咗上星空！DJ除咗晚上重頭戲，中午同傍晚仲有特別表演。加上園內正值秋日掃帚草觀賞期，絕對承包你全日歡樂！

 

02｜埼玉縣：第22屆鴻巢花火大會
日期：2025年10月11日 17:30-20:00
地點：糠田運動場及荒川河岸
交通：JR鴻巢站行約40分鐘
規模：約20,000發
網址：kounosuhanabi.com/

鴻巢花火大會嘅靈魂係壓軸節目「鳳凰亂舞」——由獲健力士認證全球最重嘅四尺玉，再加300發尺玉，喺闊河灘上空鋪展開嚟，被譽為「日本第一last star mine」！今年更特別邀請墨西哥煙花師帶嚟超炫裝置煙火。會場仲有本地藝術家音樂節助興+30架美食車，等你邊食邊睇，沉浸喺熱鬧秋日氛圍！

 

03｜山形縣：第2屆米澤戰國花火大會
日期：2025年10月11日 18:30-19:30
地點：米澤市營棒球場
交通：JR米澤站搭巴士到「米澤市役所前」站落車行20分鐘
規模：約10,000發
網址：sengokuhanabi.com/

全日本唯一以戰國時代為主題嘅花火大會！今年陣容升級：由獲內閣總理大臣獎頂級煙花師操刀、加入數字煙花秀+無人機編隊表演。武將隊演出、燈光、音樂同煙花交織，好似置身壯闊戰國繪卷。仲可以喺「米澤肉之陣」品嘗當地美食，親子活動同球迷活動啱晒全家出動！

 

04｜滋賀縣：長濱・北琵琶湖大型花火大會「余吳之陣」
日期：2025年10月17日 19:30-19:55
地點：余吳湖綠地廣場（余吳湖遊客中心前）
交通：JR余吳站行約15分鐘
規模：未公開
網址：kitabiwako.jp/fireworks

滋賀縣余吳湖有「日本烏尤尼湖」之稱，平靜湖面似塊鏡，將煙花璀璨完美倒映，形成「天空與湖水共燃」奇觀！呢度就係「余吳之陣」最動人之處。周圍群山環抱，煙花爆開聲響經山谷迴盪，變成天然音效加持。音樂煙花秀隨旋律起伏，水中煙花從湖面擴散出層層漣漪，連續發射煙花似夜空鋪開錦緞，帶嚟沉浸式五感享受。

 

05｜茨城縣：筑西花火大會2025
日期：2025年10月18日 18:00-19:15
地點：道之驛Grand terrace筑西周邊
交通：JR真岡鐵道下館站北口搭接駁巴士約10分鐘
規模：約20,000發
網址：chikusei-hanabi.jp/

今年筑西花火大會三大關鍵詞：速度、舒適、競演！超快煙花發射速度帶嚟震撼視覺衝擊；設喺道之驛嘅觀覽環境被譽為「全日本最舒服」；茨城縣三大實力派煙花師——山崎煙花製造所、森煙花工廠與野村煙花工業會同場較量。同時，震撼20發尺玉煙花同時發射點亮夜空；人氣《偶像大師》系列合作煙花帶來驚喜；傳統藝能靈山太鼓現場演奏，用鏗鏘節奏為音樂煙花盛宴增光！

 

06｜千葉縣：SKY ORCHESTRA in SUNSET BEACH PARK INAGE
日期：2025年10月18日 18:00-19:00
地點：稻毛海濱公園
交通：JR稻毛海岸站南口行約20分鐘
規模：未公開
網址：www.skyorchestra-inage.com/

全新戶外花火音樂節SKY ORCHESTRA喺稻毛海濱公園首次登場！演出團隊係剛從蒙特利爾國際花火競技大會載譽歸來嘅世界級團隊「GREAT SKY ART」。約60分鐘表演中，煙花同音樂配合精確到1/30秒！國內頂級煙花師打造藝術煙花，喺音樂指揮下化成夜空中動態畫卷。會場仲有音樂Live、藝術展、用當地食材嘅美食區，打造全方位秋夜嘉年華！

 

07｜大阪府：浪速淀川花火大會
日期：2025年10月18日 19:30-20:30
地點：新御堂筋・新淀川大橋至下游國道2號線・淀川大橋之間淀川河岸
交通：JR塚本站行約15分鐘
規模：未公開
網址：www.yodohanabi.com/

浪速淀川花火大會1989年誕生，如今已成為大阪最大規模花火盛事。今年以「笑吧，閃耀吧，描繪浪速天空未來藍圖！」為主題，璀璨煙花隨音樂節奏翩翩起舞，極具辨識度嘅左右雙水面半圓形擴散動態開場煙花靚到爆，覆蓋整個視野嘅大型煙花帶嚟最純粹震撼力。每朵綻放煙花，都訴說呢座水都市民情懷同凝聚力。

 

08｜熊本縣：八代全國花火競技大會
日期：2025年10月18日 18:00-20:30
地點：八代市球磨川河川綠地（新萩原橋上游）
交通：JR八代站行約10分鐘
規模：約14,000發
網址：www.8246hanabi.com

喺球磨川河畔，第38屆八代全國花火競技大會即將揭幕，迎接全國煙花師巔峰對決！北起秋田，南至鹿兒島煙花企業齊聚於此切磋技藝。兩個幾鐘表演中，5號玉、10號玉、Star mine等競技項目輪流上演，更有開幕煙花、音樂煙花等點綴夜空。場邊物產展同小食攤，讓你感受地道八代魅力。

 

秋夜星空，因為呢啲璀璨花火而有咗溫度。
佢哋唔再係夏日專利，而係季節更迭時，送畀我哋最浪漫嘅儀式感。揀一場心之所向嘅花火大會，喺今年十月，奔赴一場關於光、聲與記憶嘅限定浪漫啦！

 

💡 小編貼士：

睇完行程推介係咪心思思想飛？記得網絡都要「跟得上」！Cool Data SIM幫你延續旅行爽度！

5G無限流量即插即用✅ 落機秒速連線✅仲有24小時WhatsApp客服做你「電子盲公竹」！

🔥 官網限時輸入「TRAVEL」即享95折！香港機場櫃檯即取即行，聽日飛都趕得切～
👉🏻 立即預定：www.cooldatasim.com
📞 WhatsApp： +852 5432 3231

（*優惠手快有手慢冇，買SIM卡當買多份安心啦！）